Bi hezaran Kurdistanî li Parîsê  bi gelên din re li ser banga Konseya Kurd a Demokratîk a Fransa ji Qada Batîlle heta Qada Natîon bi dirûşmaya, “Kobanê li ber xwe dide" meşiyan.

Kurdistaniyî bi pankarta YPJ’ê ya li ser “Şehîdên Kobanê di parastina mirovatiyê de dimirin” û wêneyên şervanên YPJ’ê yên jiyana xwe ji dest dan li ser meşiyan. Gelê Fransî, Ermenî, Cezayirî û hwd. piştgirî dan çalakiyê û saet 15.00’an li Qada Bastîlle bi Kurdistaniyan re hatin cem hev.

Girseya bi qasî saetekê li Qada Bastîlle rawestiya saet, 16.00’an dest bi meşê kir.

Gelek sazî û partiyên wek, Partiya Komunîst, Partiya Sosyalîst, Kesk, NPA, Federasyona Anarşîstan, Partîzan, DÎDF û hwd. piştgirî dan çalakiyê. Girseya bi flamayên Rêberê Gelê Kurd Abdullah Ocalan kortej çêkir û sirûd û dirûşmayan heta ber bi Qada Natîon meşiyan. Di tevahiya meşê de bi hezaran belavok hatin belavkirin.  

Dema girse gihişt Qada Natîon deqeyek rêz hat girtin. Hevserokê KCD-E Murat Ceylan axaftinek kir. Ceylan got, “Kesên li benda ketina Kobanê bûn, berxwedana dîrokî ya YPG/YPJ ji bîr kiribûn. Gelê Kurd di nav berxwedanê de ye. Li Ewropa û Kurdistanê serhildanan diafirîne. Ceylan got ku pêwîst e çalakî bidomin.

Çalakî piştî axaftinan bi dirûşmayan bi dawî bûn.