Sûr ku di lîsteya UNESCO ya Mîrateya Dinyayê de cih digirire bi qasî ku êdî nikaribe bibe weke berê birîndar bû. Gelê Sûrê jî malên xwe yên bê elekrîk û bê av, di bin gefa hilweşandina malan dijîn û li hêla dî jî li dijî hilweşînê têdikoşin.

Ji Hevgirtina Bajêr yê Stenbolê Denîz Ozgur ku bi mebesta destekê bide têkoşîna gel a li dijî hilweşandina Alîpaşa û Lalebeyê hatî Sûrê çavdêriyên xwe û xeta têkoşînê ya ku dikare ji Stenbolê bigihe heta bi vir vegot.

Ozgur got li gel hemû neyêniyan û hemû tundiya dewletê jî gelê Sûrê malên xwe naterikînin, li ber xwe didin û ev jî wan kêfxweş dike û di heman demê de bar li wan bar dike.

Deniz Ozgur diyar kir ku hilweşandina Sûrê ne tenê bi rantê re têkildar e û got rêbazek ji şer a dewletê ye ku li dijî Kurdan dike û got, ‘’Pir vekirî ye ku dewlet li ser Kurdan tundiyeke berbiçav dike’ û bi domdarî got ev polîtîka parçeyek ji polîtîkaya şer e.

Denîz Ozgur got ew dixwazin di navbera Sûrê û Stenbolê de xeteke têkoşînê ava bikin û got ji bo ku ew kavilgeriya li Sûrê bigihînin gelek kesan ew ê amûrên medyayê bi rengekî karîger bi kar bînin.