Banga tevlêbûnê li meşên 22'yê Îlonê
Platforma 'Erdogan not welcome' bang kir ku her kes tevlî meşên 22'yê Îlonê bibe.
Platforma 'Erdogan not welcome' bang kir ku her kes tevlî meşên 22'yê Îlonê bibe.
Platforma 'Erdogan not welcome' daxuyaniyeke nivîskî da, got, dîktator Erdogan ê ku dijminê gelên Kurdistan, Tirkiye û cîhanê ye, bi hişmendiya DAÎŞ'ê ye û dijberê demokrasiyê ye, 24'ê Hezîranê di hilbijartinê de vîna gelan bi rengekî ne rewa desteser kiriye û dîktatoriya xwe didomîne.
Platforma 'Erdogan not welcome' got Erdoganê dîktator û tifaqa wî ya faşîst zexte li ser akademîsyen, nûçegihan, rewşenbîr, sendîkaavn, rêxistinên civaka sivîl ên Kurdistanê û Tirkiyê, li ser muxalîfên Tirkiyî dike, ji bo ku bi komkujî û girtinan wan bêdeng bike her rêbazê bi kar tîne, dixwaze welêt bike yek reng û domand:
''Bi polîtîkayên yekrengkirinê qîma xwe pê nayîne ku ji bo tinekrina hemû nasname û baweriyan rêbazên qirêjî bi kar bîne, her wiha polîtîkayên şer û komkujiyê dixwaze li derveyî sînorên Tirkiyê jî bidomîne.
Piştî dagirkeriya Efînê û êrîşên ser Rojava niha jî êrîşê dibe ser Başûrê Kurdistanê û berê xwe daya dagirkirinê. Ev armancên dewleta Tirk ku bi fînansekirin û xwedîkirina çeteyên mîna DAÎŞ'ê yên piyon dixwaze şer li Rojhilata Navîn belav bike, ji hêla Hêzên Sûriyeya Demokratîk ve hatine têkbirin. Dîktator Erdogan û tifaqa wî ya faşîst ku ji têkçûnê dersan nastîne, êdî vî şerê qirêjî bi rengekî vekirî û rasterast bi rê ve dibe.
Ev şerê qirêjî û polîtîkayên wî ji hêla raya giştî ve hatiye dîtin, ji hêla demokrat, pêşverû û alîgirên wekheviyê ve bi çalakiyan hatiye protestokirin.''
Di serî de Elmanya gelek hikûmet û saziyên navnetewî ku guhê xwe ji van protestoyan û helwestan re girtine bi bêdengiya xwe destekê didin van polîtîkayên qirêjî û şer.
Welatên Ewropayê ji bo peymanên qirêjî yên bi TC'ê re, ji bo berjewendiya firotina çekan û aboriyê, nirxên mirovahiyê binpê dikin. Elman ku bi firotina tang û amûrên şer destekê dide şerê qirejî, qîma xwe bi vê jî neaniye, 28-29'ê Îlonê Erdoganê dîktator vexwendiye Elmanayê. Dewleta Elman bi vexwendiya Erdogan ê ku sûcê şer kiriye û dagirker e, nirxên mirovahiyê û wijana mirovahiyê binpê kiriye. Lê Elmanya li şûna ku bi merasîma leşkerî Erdogan pêşwazî bike, divê bi wê ristê rabe ji bo ku dîktator Erdogan ê ku sûcê şer kiriye, li dadgehê navnetewî were darizandin, hewl bide.
Em saziyên Elman, Kurdistanî û Tirkiyeyî, bi platforama bi dirûşma 'Erdogan not welcome' 22'yê Îlonê em ê li eyaletan dîktator Erdogan ê ku dijminê demokrasiyê ye bi meşan şermezar bikin.
Em platforma 'Erdogan not welcome' banga me li saziyên Kurd, Tirk, Asûr-Sûryan, Laz, Çerkez, Ermen, jin, ciwan, Elewî, Misilman, Xiristiyan, Êzîdî yên Elmanyayê ew e ku 22'yê îlonê tevlî meşên 'dîktator Erdogan tu nebixêr hatî' ya li bajar û adrêsên jêrêbibin, em bang li hemû demokrat, şoreşger, tevgerên aştî, jin, ekolojîst dikin.
Banga me li pariyên siyasî, sendîka, rêxistinên civaka sivîl, tevgerên aştiyê, hemû şoreşger û demokratan ew e ku 22'yê Îlonê bang li meşên li bajarên jêre bibin û li dijî dîktator Erdogan, em bloka demokrasiyê û wekheviyê bi çalakiyên hevpar dengê xwe bilind bikin.''
Cih û dema çalakiyan:
BERLÎN
Cih: Hermannplatz
Saet: 17.30
HAMBURG
Cih: Merckado-Altona,
Saet: 15.00
BREMEN
Cih: Haubtbahnhof-Bremen
Saet: 15.00
HANNOVER
Cih: Opernplatz-Hannover
Saet: 14.00
DUSSELDORF
Cih: Platz Vor dem Haupbahnof Düsseldorf
Saet: 13.00
ESSEN
Cih:Hauptbahnof Essen
Saet: 16.00
FRANKFURT
Cih: Hauptbahnof Frakfurt
Saet: 15.00
STUTTGART
Cih: Lautenschlagerstr
Saet: 15.00