Di 2'ê Adara 2015'an de li herêma Til Berakê ya bajarê Qamişloyê di navbera çeteyên DAÎŞ'ê û şervanên YPG'ê de şer qewimî bû û şervanê YPG'ê yê enternasyonalîst Konstandînos Erîk Scûrfîeld (Kemal) şehîd bûbû. Komîsyona Malbatên Şehîdan a Meclîsa Gelê Kurd a Brîtanyayê Scûrfîeld bi bîr anî.

Ji ber şewbê merasîma girseyî nehate lidarxistin, lê belê li avahiya KCC'ê maseyek ji wêneyên Scûrfîeld hate danîn û bi kulîlk û findan hate xemilandin.

Berdevkê Komîsyona Malbatên Şehîdan Alî Boyraz axivî û diyar kir ku ji bo bîranîna şehîdan wê armanca wan a sîstema azadîparêziya zayendî û komunal a demokratîk pêk bînin.