Şehîdên 14’ê Tîrmehê li Rûsyayê hatin bibîranîn
Şehîdên 14’ê Tîrmehê li bajarê Saratovê yê Rûsyayê hatin bibîranîn.
Şehîdên 14’ê Tîrmehê li bajarê Saratovê yê Rûsyayê hatin bibîranîn.
Kurdên li navçeya Yerşovê ya Saratova Rûsyayê Berxwedêrên Rojiya Mirinê ya Mezin a 14’ê Tîrmehê bibîranîn. Hevserokên Otonomiya Neteweyî û Çandî ya Yerşovê Mîrzaelî Yûsûbov û Gulîzer Yûsûpova di bîranînê de axivîn.
Yûsûbov diyar kir ku ruhê berxwedana 14’ê Tîrmehê ji bo gelê Kurd têkoşîna jiyanê ye û berxwedana li zindana Amedê heta îro bênavber didome.
Yûsûbov bal kişand ser vî tiştî ku agirê berxwedanê yê ku Mazlûm Dogan vêxistibû û Mehmet Hayrî Dûrmûş, Kema Pîr, Akîf Yilmaz û Alî Çîçek domaniye îro li her çar parçeyên Kurdistanê didome.
Berpirsa Çapemeniyê ya Otonomiya Kurdan a Yerşovê Sûltan Bakî jî diyar kir ku Tevgera Azadiyê ya Kurdan tevgera şehîdan e û bi deh hezaran Kurd bi ruhê berxwedana 14’ê Tîrmehê şehîd bûne.
Gulîzer Yûsûpova jî diyar kir ku gelê Kurd bi saya berxwedana 14’ê Tîrmehê li ser pêyan e û bi saya şehîdan gelê Kurd li dinyayê tên naskirin.