Xizmên girtiyên li dijî tecrîdkirina Rêberê Gelê Kurd Abdullah Ocalan di greva birçîbûnê de ne, ji bo balê bikişînin ser berxwedanê cara 41'ê li ber Girtîgeha Girtî Tîpa M a Gebzeyê çalakiya rûniştinê pêk anîn. Malbat li ber avahiya HDP'ê ya Gebzeyê li hev civiyan ku parlamentera HDP'ê Ayşe Surucu û parêzer jî bi wan re bûn.

Malbat li wesayitan siwar bûn û bi rê ketin, lê li devereke nêzî girtîgehê hatin rawestandin. Polîsên Tirk gotin, çalakî qedexe ye û malbatan jî nerazîbûn nîşan dan. Malbatan li cihê hatin rawestandin dest bi çalakiya rûniştinê kirin. Piştî demekê polîsan dest li çalakiyê werdan û malbat bi zorê li wesayitan siwar kirin. Malbatan diyar kirin ku wê sibe dîsa bên qadê û çalakiyê bikin.