24 kesên roja 9'ê Adarê li Îzmîrê di serdegirtina malan de hatin binçavkirin, piştî ragirtina li emniyetê duh radestî dozgeriyê hatin kirin. Dozgerî pêwîstî bi wergirtina îfadeya wan nedît û hema yekser ji bo bên girtin ew sewqî dadgehê kir.

Dadgehê jî ji 24 kesan, Aykan û Ûgûr jî di nav de 10 kes bi îdîaya "endametiya rêxistinê" û "li ser navê rêxistinê propagana kirine" girt, 14 kes jî serbest berda.

Kesên hatine binçavkirin ev in: Cavît Ûgûr (Hevserokê HDP'ê yê Bajêr), Dîlek Aykan (Endama Meclîsa Partiyê ya HDP'ê), Elmas Çinar (Rêvebera HDP'ê ya Bajêr), Hacay Yilmaz (Rêvebera HDP'ê ya Bajêr), Hasse Bîngol Tekîn (Endama YAK-DER'ê), Hulkuye Yilmaz, Seyît Cem Çakmak (SGDF), Casim Saday, Dîlan Yetîşmîş û Makbûle Gul.

Girtî şandin girtîgehên Şakran û Kiriklarê.