Xelkê Şengalê li dijî hewldanên pêkanîna peymana 9’ê Cotmehê ya Hewlêr-Bexda û bi taybet jî PDK’ê daketin ser rêyên sereke û dest bi çalakiyên rûniştinê kirin.

Ji serê sibehê ve hêzên çekdarî yên PDK’ê bi hevkariya hêzên Iraqê hewl didin bikevin Şengalê.

Duh jî Rêveberiya Xweser a Şengalê ragihandibû, eger PDK li dijî Şengalê bikeve nava hewldaneke bi vî awayî ewê li ber xwe bidin û parastina xwe bikin.

Li gorî agahiyan ji serê sibehê ve di serî de li Rabîa, Zaxo û gelek nuqteyên kontrolên yên di navbera Herêma Kurdistan û Şengalê de hêzeke zêde ya çekdarên PDK’ê kombûne û dixwazin bikevin Şengalê.

Li hember van hewldanên PDK’ê gelê Şengalê ji bo parastina xwe hemû rêyên Şengalê girtin û di van kêliyan de gel li asayîşa Guhbel û Borik kombûne. Girse ku beşeke wê ya girîng ji dayîk û jinan pêktê li ser rê çalakiya rûniştinê dane destpêkirin.