Rêxistina Partiya Demokratîk a Gelan (HDP) a Bajarê Agirê 4’emîn Kongreya xwe ya Asayî li dar xist. Hevserokê Giştî yê HDP’ê Mîthat Sancar, parlamenter û rêveberên HDP’ê û gelek welatî beşdarî kongreyê bûn. Sancar têkildarî rojevê axivî û bi silavdayîna bi Kurdî dest bi axaftina xwe kir.

Sancar di destpêkê de bal kişand ser pirsgirêkên li Agirî û Kurdistanê. Sancar diyar kir ku di encama polîtîkayên şer ên desthilatdariyê de xizanî kûrtir bûye.Sancar anî ziman ku gelek pirsgirêk li Agiriyê hene û sedema herî mezin bêkarî ye û got ku desthilatdariyê li Agiriyê û Serhedê dawî li çandiniyê û sewalkariyê aniye. Sancar da zanîn ku desthilatdarî di encama polîtîkayên înkarkirin û asîmîlasyonê de gelê Agiriyê, Colemêrgê, Şirnexê, Wanê û bajarên din xizan kiriye û ew di ferqa vê de ne û got ku çareserî ew in û dê ew çareseriyê bînin.

EV HILBIJARTIN CUDA YE

Sancar bi bîr xist ku di rojên derbasbûyî de li ser rêya Dutaxê û Agiriyê bobelatek qezaya trafîkê rû da û ew ji qurbaniyan re sersaxiyê dixwaze û şîfayê ji nexweşan re dixwaze. Sancar diyar kir ku di hilbijartina xwecihî de vîna gelê Agiriyê hatiye desteserkirin û got: “Me digot Agirî ya me ye. Wê wisa bimîne, bila her kes vê baş bizanibe.”

Sancar bal kişand ser teqîna li Kolana Îstîklalê ya Taksîma Stenbolê û wiha axivî: “Ev desthilatdarî wê li ser rêya hilbijartinê gelek manevrayan bike. Bi mehan e em vê yekê dibêjin. Ew ê planên kaosê jî bikin. Herî kêm hin navendên vê hêzê, hin hêzên di nava dewletê de, teqez bi planên xwe yên kaosê pêvajoya hilbijartinê û siyasetê dîzayn dikin. Divê em van her carê zanibin û bibînin û dema ku em di rê de dimeşin divê em tedbîran bigirin. Hefteya borî li Taksîmê êrîşeke bombeyî pêk hat. Belê qetlîamek hovane pêk hat. 6 mirovên me jiyana xwe ji dest dan, 81 mirovên me birîndar bûn. 6 ji wan hêj tedawî dibin. Sersaxiyê ji malbatên wan û gelê me re  dixwazim. Em ji birîndaran re şifayê dixwazin. Helwesta me li dijî bûyerên bi vî rengî eşkere û zelal e. Em vê êrîşê weke 'hovîtî' pênase dikin, weke sûcê mirovahiyê dibînin. Helwesta me her tim ev bû, niha jî wisa ye û dê di siberojê de jî wê wisa be. Li dijî her kesê ku dixwazin ji vê qetlîamê sûd werbigirin, em ê ne bêtawîz bin. Em hemû dibînin ku piştî teqînê vê desthilatdariyê çi kiriye.

DESTHILATDARÎ DIXWAZE TARIYÊ AVA BIKE

 Pêşî reşkirinek pêk anîn, sansur kirin. Wan hewl dan ku bi tengkirina bandên li ser înternetê rê li ber rastiyê bigihînin raya giştî. Çima hûn hewl didin ku çi veşêrin? Di destpêkê de sedema teqînê nehat zanîn, lê hewl dan ku vê teqînê veşêrin. Dûv re ew bi domdarî senaryoyên nû derdixistin ku tiştan tevlihev bikin. Em jî vê rêbazê dizanin. Ev tişt hemî delîlên leza sûcdariyê ne. Erê, ez ê di serî de nebêjim Wezîrê Karên Hundir, hewldana Wezîrê Karên Sûcdar a ji bo tevlihevkirinê, şelafiya sûcdar ronîkirina panîkek berpirsiyariyê ye. Çima hûn ewqas tarîtiyê diafirînin? Çima hûn serî li rêbazeke wiha tehrîfkirinê didin? Ji ber ku gel jî dibîne, civaka Tirk dibîne, li vir hesabên tarî hene. Ev hesab bi hêzên di nava vê hêzê ve girêdayî ne. Em ê lêkolîn bikin ku ev êrîşa hovane kê pêk aniye, em ê israr bikin û bişopînin. Em ê bi israr daxwaza eşkerekirina heqîqetê bikin û ji bo vê jî em ê hemû hewldanên xwe bikin. Bi vî awayî em ê teqez bi vê rêbazê lîstokên dîzaynkirina siyaset û pêvajoya hilbijartinê ya bi xwîn û hovane têk bibin. Bila gumana kesî ji vê yekê nebe.

ANTÎPROPAGANDAYÊN LI DIJÎ HDP’Ê

Li dijî HDP’ê dest bi kampanyaya tawanbariyê kirin, propagandaya berovajî serê xwe hilda û diçe. Lê ew nikarin kesek jê bawer bikin. Ji ber ku ew her tim li ser derewan xwe saz dikin. Em ji Pirsûsê, ji êrîşên li dijî mîtînga me ya Amedê, ji Reyhanliyê, ji Komkujiya Gara Enqereyê, li kîjan navendan û ji aliyê kê ve ev lîstikên tarî li vî welatî hatine kirin, dizanin. Nimûne pir in û polîtîkayên bingehîn zelal in. Ev desthilatdarî bi polîtîkayên xwe yên şer hem xitimandina pirsgirêka Kurd kûrtir dike û hem jî kaosa li herêmê bi taybet li Sûriyeyê kûrtir dike. Em hemû dibînin ku li Îdlib û Efrînê çi diqewime, çi tê plankirin û çi tê kirin. Ev polîtîkayên şer ji bilî êşandina vî welatî ti encamekê nade. Canê me çûye, çavkaniyên me tên xerckirin.”

Sancar da zanîn ku duh di hevdîtinên budçeyê de Wezîrê Karên Navxweyî Suleyman Soylû dîsa bi gef û gur axivî ye û got: “Wezîrê Karên Sûc, êrîşî parlamenterê me dike û gefê li wan dixwe. Bi neheqî, xerabî û plansaziyên xwe yên kaosê dixwaze bi êrîşkirin parlamenterên me xwe derxe paqijiyê.”

GELEK RÊVEBER Û HEVŞAREDAR Û ENDAMÊN ME DI ZINDANÊ DE NE

Sancar di berdewamiya axaftina xwe de got: “Çima hevserokên me yên berê, cîgir, hevşaredar, endamên meclisê, rêveberên rêxistinên me hîn di zindanê de ne? Ji ber ku ew rêya hêsan nadin ber xwe. Ji bo veguhertina rasteqîn, azadî û aştiyê berdêla têkoşîneke bi biryar û dilsoz didin. Em dizanin di vê têkoşînê de kê çi manevra û bi çi armancê kiriye, bi tecrûbe û biryardariya me ye. Em pir baş dibînin ku her tevgerek vala, manevrayek sexte dê ber bi ku ve biçe. Em çalakiya xwe pêk tînin.

 Sancar di dawiya axaftina xwe de wiha got: “Li pêşiya me firsendeke mezin heye, ji bo destpêkek nû, ji bo veguhertina demokratîk, ji bo azadiyê, ji bo nîzamek aborî ya ku kedê dide, ji bo aştiyê derfetek girîng heye. Van derfetan li ser hesabên piçûk û lêgerînên restorasyonîst winda nekin. Banga me ji hemû hêzên mûxalîf û sosyal demokrat re ye; Hûn ne bêalternatîf in. Em hene, HDP’ê heye, xwedî tecrûbe, kadro û kevneşopî ye, ku wê ji vê qonaxeke dijwar a li vî welatî rê li ber demokrasî û komara demokratîk veke. Hûn hene. Tifaqên me hene, tifaqa ked û azadiyê wê mezin bibe. Em bi biryar in ku hemû bindestan, yên tên cihêkirin û bi neheqî û zilmê re rûbirû dimînin biparêzin û em ê bi hev re mezin bibin. Çareseriya demokratîk a pirsgirêka kurd, armanca komara demokratîk a tevahiya Tirkiyeyê ev e.”