'Rewşa Awarte bi rengekî fiîlî heye'
Rêveberê şûbeya ÎHD'ê ya Colemergê Parêzer Eren Baskin got li tevahiya bakurê Kurdistanê Rewşa Awarte ya nebinavkirî heye.
Rêveberê şûbeya ÎHD'ê ya Colemergê Parêzer Eren Baskin got li tevahiya bakurê Kurdistanê Rewşa Awarte ya nebinavkirî heye.
Ji sala 2016'an û wir ve li Colemergê û navçeyên wê her cure çalakî qedexe ne. Li tevahiya Colemergê bi sedan herêm û qad weke 'herêma taybet a ewlehiyê' tê îragihandin. Nayê hiştin ku mirov biçin zozanan û sewalên xwe xwedî bikin. Li herêmên sînor jî tam dramek heye. Qedexeya bazirganiya ser sînor kuştinên bi destê leşkerên Tirk zêde dike.
Rêveberê Şûbeya Komeleya Mafê Mirovan (ÎHD) a Colemergê parêzer Eren Baskin têkilî binpêkirina mafan a li Colemergê û navçeyên wê got, li tevahiya bakurê Kurdistanê Rewşa Awarte ya nebinavkirî heye. Baskin Xala 3'yan a Destûra Bingehîn a Tirk bi bîr xist, ku di vê xalê de tê gotin, her kesek bêyî destûrê dikare civînan bike û meşan li dar bixe, bi bîr xist û got, ev bi temamî ji holê hatiye rakirin.
Baskin diyar kir li Colemergê û navçeyên wê ji bilî AKP û hevkarên wê nayê hiştin ku ti hêzen siyasî yên cuda, parêzvanên mafê mirovan, kesên alîkarxwaz kampanya û çalakiyan bikin û hemû serlêdanen dijî vê têne redkirin. Baskin diyar kir di rewşeke wiha de parêzvaniya mirovan jî zor û zehmet e.
Baskin diyar kir ew hewl didin bigihin hemû binpêkirinên mafê mirovan ên bajêr, rêveberiya wan rwşên derhiqûqî û dijî rûmeta mirovî ku tespît dikin, qeyd dikin û tevlî gelek dozan dibin.