Serdozgeriya Komarê ya Amedê, di çarçoveya operasyonên qirkirina siyasî yên dijî Kongreya Civaka Demokratîk (KCD) de biryar da ku 101 kes bên girtin.

Polîsên Tirk li Amed, Stenbol, Îzmîr û Stenbolê avêtin ser malan û 32 ji wan parêzer heta niha 72 kes destgîr kirine. Ji kesên ku biryara girtina wan hatiye dayin 4 kes ji ber ku di karantînaya vîrûsa koronayê de ne, nehatin destgîrkirin.

BAHANEYA DESTGÎRKIRINÊ

Lîsteya parêzerên ku li bajar û navçeyan di hilbijartinên xwecihî û giştî de kar kiribûn li avahiya KCD'ê hate dîtin, weke hinceta destgîrkirinê hate nîşandan. Mijareke din ku parêzer pê tên sûcdakririn ew e ku endamên Komeleya Hiqûqnasan a Mezopotamyayê (MHD) bûn ku bi biryarnameyê ew komele hatibû girtin.