Beriya meşa ji bo yekîtiya neteweyî, ku bi pêşengiya Kongreya Civaka Demokratîk (KCD), Tevgera Jinên Azad (TJA), Partiya Herêman a Demokratîk (DBP) û Partiya Demokratîk a Gelan (HDP) tê lidarxistin, polîsên Tirk dor li Parka Ataturk girtin.

Li gel astengiya polîsan jî girseya gel li dora parkê li hev civiya û di navbera gel û polîsan de nîqaş derket. Çalakgeran bi biryardarî xwestin bimeşin. Li gel astengiya polîsan jî xelkê bajêr meşiya, lê belê polîsan bi ava şid û gaza îsotê êriş kir.

Girseya gel bi qîrîna dirûşmên "Bijî berxwedana zindanan" û "Zext nikarin bi me" bersiv da êrişê û heta Kolana Amedê meşiya. Polîsan careke din êriş kirin.

Girseya gel ku li nava kolanan belav bû, bi qîrîna dirûşman berxwedana xwe dewam dike. Êrişa polîsan jî dewam dike.