Polîsên Tirk serê sibehê bi ser mala Dîndar Karataş nûçegihanê Ajansa Mezopotamyayê (MA) ya li Wanê girtin û piştî destgîrkirina wî, avêtin ser buroya ajansê ya li Wanê.

Bi hinceta ku cihê kar ê Karataş e polîsan bi biryara Serdozgeriya Komarê ya Erzîromê avêtin ser buroyê. Di dema lêgerînê de polîsan Wesayita Destwerdana li Bûyerên Civakî (TOMA) danîn ber buroyê. Polîsan dest danîn ser kel û pelên weke kompûter, hard dîsk ên li buroyê. Lêgerîna li buroyê 2 saetan dewam kir.