Polîsan serê sibê bi ser mala Nûçegîhanê Ajansa MezopotamyaYÊ (MA) Dîndar Karataş de girtin û Karataş li malê destgîr kirin. Polîsên Tevgera Taybet serê sibehê bi ser mala Karataş de girtin û li malê lêgerîn kirin. Polîsan kesên li malê li erdê dirêj kirin û piştre lêgerîn kirin. Polîsan piştî lêgerîna malê Karataş binçav kirin û birin Midûriyeta Polîsan a Wanê. Polîsan telefon, qerta hafizayê ya wênekêşê jî desteser kirin. Sedema destgîrkirina Karataş nehat zanîn.

Li gorî agahiyan, Karataş di çarçaveya lêpirsina Dozgeriya Komarê ya Erziromê de hatiye destgîrkirin.