Serokkomarê Tirk Recep Tayyîp Erdogan di rojên derbasbûyî de bi daxuyaniya ‘êrîşên bi ser Tirkmeman  de nayê qebûlkirin’ qala çeteyên xwe yên ÎTC’ê yên li Kerkukê kir û piştre li Kerkûk û Kifriyê êrîşên DAIŞ’ê dest pê kir. DAIŞ’ê roja 18’ê Sibatê êrîşî nuqteyeke Heşdî Şabî ya dikeve başûrê Kerkukê kirin û şevê din jî êrîşî herêma Germiyan ya bajarê Silêmaniyê kirn.

BARAN: DEMA KU REVIYAN MAYÎN ÇANDIN

Çeteyên DAIŞ’ê li gundê Kûşelan yê Kifriyê şivaneke Ereb revand. Li ser vê yekê hêzên asayîş û pêşmerge ketin nava tevgerÊ û di navbera hêzên pêşmerge û çeteyan de şer derket. Di dema şer de çeteyên DAIŞ’ê şivanê Ereb qetil kirn û xwestin ji herêmê dur bikevin. Têkildarî mijarê Berpirsê Hêzên Pêşmerge ya Germiyanê Cemal Baran ev agahî da; “Li gundê Kûşelan yê navçeya Kifriyê 8 çeteyên DAIŞ’ê şivaneke Ereb revandin. Li ser vê hêzên asayîş û pêşmergeyan li herêmê dest bi operasyonê kirin. Demeke kurt di navbera hêzên asayîş, pêşmerge û çeteyên DAIŞ’ê de şereke kurt derket. Çeteyên DAIŞ’ê di şer de reviyan û li pey xwe mayîn çandin, di encama teqîna mayînê de 3 pêşmerge birîndar bûn. Pêşmergeyên birîndar rakirin nexweşxaneyê û têne dermankirin.”

LI DERDORA PIRDÊ, KERKUKÊ HEBÛNA DAIŞ’Ê

Çeteyên DAIŞ’ê 18’ê Sibatê êrîşî nuqteya Heşdî Şabî ya dikeve başûr rojavayê Kerkukê. Di êrîşê de 27 endamên Heşdî Şabî û 8 çeteyên DAIŞ’ê hatibûn kuştin.

Balefirên şer yên girêdayî hêzên koalîsyonê 27’ê Sibatê herêmên çeteyên DAIŞ’ê yên li derdora Pirdê bombebaran kirîbû.

DAIŞ piştî Kerkuk, Pirdê êrîşî Kifrî kir û hebûna xwe ya li herêmê bi taybet bi piştî daxuyaniyên Erdogan ketine nava tevgerê.