Nerazîbûna gelê Başûrê Kurdistanê ya li dijî êrîşên dagirkeriyê yên dewleta Tirk ên li Xakurkê zêde dibe. Pêşmergeyên Dêrîn li dijî dagirkeriyê ketin nava liv û tevgerê.

Komek ji pêşmergeyên Dêrîn ji bo nerazîbûna xwe ya li dijî êrîşên dagirkeriyê û bêdengiya hikumeta Başûr nîşan bidin, bi kincên pêşmerge xwe gihandin Qendîlê û daxuyaniyek dan çapemeniyê. Pêşmergeyan diyar kirin ku li dijî dagirkeriyê ew bi gerîla re ne û xwestin, hikumet tavilê dawî li bêdengiya xwe bîne û li dijî dagirkeriyê helwestê nîşan bide.

'EM BI GERÎLA RE NE'

Pêşmergeyê Dêrîn ê bi navê Hewkar Kawa daxuyanî da û got, "Dewlta Tirk xaka Başûrê Kurdistanê dagir dike. Hikumeta herêmê jî li pêşberî dagirkeriyê bêdeng e. Em bang li hikumetê dikin ku li dijî vê hewldana dagirkeriyê û tinekirinê derkeve. Pêşmergeyên Dêrîn wê li ber vê dagirkeriyê bêdeng nemînin û em radigihînin ku em bi xwişk û birayên xwe yên gerîla re ne."

Pêşmergeyên Dêrîn serdana ciwanên mertalên zindî kirin û gotin, "Em çalakiya we pîroz dibînin û piştgiriya we dikin."