Paşverûtî bû sedema jiyana jin a ciwan
Hate ragihandin ku li bajarê Pîranşarê yê Rojhilatê Kurdistanê jineke ciwan ji ber zextên malbatî xwe kuştiye.
Hate ragihandin ku li bajarê Pîranşarê yê Rojhilatê Kurdistanê jineke ciwan ji ber zextên malbatî xwe kuştiye.
Li gorî agahiyên ku Komeleya Mafê mirovan a Kurdistanê li ser malpera xwe ya fermî weşand, hatiye gotin ku roja Pêncşem a bihurî li bajarê Pîranşarê jineke ciwan xwe kuştiye.
Komele ku xwe dispêre agahiyên ji xizmekê yê wê jina ciwan, dide zanîn ku jina ciwan a bi navê Sarya Îbrahîmpûr dema ku xwestiye bizewice, di navbera bav û wê de nîqaş û alozî derdikeve. Piştre Sarya diçe û xwe darve dike û bi vî rengî xwe dikuje.
Hêjayê bibîrxistinê ye ku hişmendiya zilamsalarî, nebûna piştevaniya yasayî ya ji bo jinan, zewicandina zarokan, zewaca bi darê zorê, paşverûtiya malbatî û civakî û pirsgirêkên aborî li tevahî Îranê û bi taybetî li Rojhilatê Kurdistanê dibin sedemê zêdebûna xwekuştina jinan.