Bi îdîaya "endametiya rêxistinê" li hemberî parlamentera HDP'ê ya berê ya Sêrtê Hatîce Kocaman, doz hate vekirin. Rûniştina dozê li 9'emîn Dadgeha Cezayê Giran a Amedê pêk hat.

Kocaman a ku negirtî tê darizandin tevî parêzerê xwe tevlî rûniştinê bû. Kocaman sûcdariyên di îdîanameyê de red kir û xwest biryara beraatê bê dayin.

Heyeta dadgehê biryara girtina Kocaman da û rûniştina di dorê de ji bo demeke bê taloq kir. Kocaman piştî rûniştinê hate girtin.

Têkildarî Kocaman ji 7.5 salan heta 15 salan cezayê girtîgehê tê xwestin.