Nerazîbûnên li dijî şandina cenazeyê gerîlayê HPG’ê Mahsûm Aslan ya bi kargoyê zêde dibin.

Wekîla HDP’ê ya Wanê Muazzez Orhan Işik diyar kir ku ev sûç e û banga hişyariyê da.

Wekîla HDP’ê Muazzez Orhan Işik destnişan kir ku ev cûre polîtîkayên hov weguherîne polîtîkayeke giştî û got, “Encameke ya siyaseta li hemberî Kurdan e. Ji aliyekê ve prîma ku ji yên sorkirinê û qetlîaman li hemberî Kurdan pêktînin re nîşan didin, êrişên li ser goristanên Kurdan … gelek êşên mezin bi wan didin kişandin, em wê şandina cenazeyan ya bi kargoyê ji malbatan re weke rêbazeke yê cezakirinê dinirxînin. Ev dijminatiya Kurdan û polîtîkaya her alî ya cezakirina Kurdan e. Hestek yê dermirovî, rûmet dişkîne û tune dihesibîne ye.”

“RÊBAZÊ NÛ YÊ SIYASETÊN ŞERÊ TAYBET”

Işik tekez kir ku wan wek partiyê bi malbatê re têkilî danîne û wiha pêde çû: “Ya rast polîtîkaye cidî ya tepisandinê heye. Di vê hêlê de gef li malbatan tê xwarin. Gefa ku eger bikeve nava hewldanekê wê hê zêdetir bi zext û tepisandinê re rû bi rû bimîne li wan dikin. Pêkanîneke dermirovî ye. Ruxmê hemû polîtîkayên zext û qetilkirinê, mirovan serî netewandin. Dema ku dest ji daxwazên xwe berneda jî dest bi karanîna rêbazên wiha derûnî hat kirin. Ev rêbazên nû yên polîtîkayên qirêj ên şerê teybet e vana jî AKP’ê pêş xist. Di vê hêlê de qetil bike, goristanên wan bişewitîne û rûmeta malbatan biêşîne. Malbatên Kurd tên cezakirin. Rê û rêbazeke din a wan nemaye. Dixwazin Kurdan di vî alî de têk bibin.”

Orhan di dawiyê de diyar kir ku ev polîtîka li dijî mafên mirovan ê gerdûnî ye û gotinên xwe wiha bidawî kir, “Malbat bi vî rengî nikarin vecibeyên veşartina cenazeyên xwe û taziyeyên wan pêk bînin. Bi rêbazeke metirsîdar û hovane re rû bi rû ne û ya tê kirin sûc e. Mixabin di vî welatî de ev yek rengdana rejîma dîktatoriyal a desthilatdariya tek kesî ye. Ev rêbaz hewldanê cezakirin û ders dayîna ne tenê kesekê, ya hemû civaka Kurd e."