Piştî ku artêşa Iraqê di çarçoveya lihevkirina rêveberiyên Hewlêr-Bexdayê dest li Şengalê werda û kete nava liv û tevgerê, xelkê Şengalê ji bo xwedîderketina li saziyên xwe yên xwerêveberî û xweparastinê zend û bend ba da.

Bi vê armancê di 1'ê Kanûnê de li pêşiya Navenda Asayîşa Êzidxanê dest bi çalakiya nobedê kir. Çalakiya ku bi dirûşma "Em hemû asayîş in" dest pê kir û weke berxwedana rûmetê tê binavkirin 19 roj in bênavber dewam dike.

Nûnerên Sazî û Meclîsa Xwerêveberiyê ya Şengalê tevî şêniyên herêmê li binê konê berxwedanê, nobedê digirin.

Xelkê Şengalê yê ji navçe, bajarok û gundan jî her roj serdana nobedaran dikin û piştgiriyê didin çalakiyê.

Endamê Partiya Azadî û Demokrasiyê ya Êzidiyan (PADÊ) Heyder Şengalî têkildarî çalakiyê ji Rojnewsê re axivî û got, "Asayîşa me hebûn û rûmeta Êzidxanê ye. Em ji gelê xwe dixwazin ku li dijî peymana Hewlêr û Bexdayê hîn bi xurtî li ber xwe bidin."