Bi boneya 6’emîn salvegera Şoreşa 19’ê Tîrmehê ya Rojavayê Kurdistanê li Wargeha Penaberan a Şehîd Rûstem Cûdî  (Mexmûr) bi şahiyekê hate pîrozkirin.

Bi tevlîbûna bi sedan welatiyên Mexmûrê Qada  Navenda Çand û Hûnerê ya Mexmûrê (NÇHM) Qada bi wêneyên Rêberê Gelê Kurd Abdullah Ocalan, Arîn Mîrkan, şehîdên şoreşa Rojava, alayên YPG/ YPJ û KCK’ê hatine xemilandin. Pîrozbahî  bi deqeyek rêzgirtinê despê kir. Piştre jî  Hevserokê Rêveberiya Meclîsa Gel Hisên Kara li ser wate û girîngiya rojê axivî.

‘ŞOREŞA ROJAVA HÊVIYA GELAN E’

Kara destnîşan kir ku şoreşa Rojava wê bibe bingeha şoreşa Rojhilata Navîn û wiha got: “Himê şoreşa Rojava bi keda Rêber Apo li ser xeta Bêrîtanan hatiye danîn. Şoreşa Rojava hêviya gelan e. Wê bibe  hêviya Bakur, Başûr, Rojhilatê Kurdistan  û Rojhilata Navîn.”

Bi yek dengî dirûşmên “Bijî Serok Apo”, “Bê Serok jiyan nabe” û “Bijî şoreşa Rojava” ji qadê bilind bûn. 

Pîrozbahî bi gerandina govendê ya li ber stranên Ehmet Îke, bi dawî bû.