Çalakiya rûniştinê yadayikên girtiyên li dijî tecrîda li ser Rêberê Gelê Kurd Abdullah Ocalan di greva birçîbûn û rojiya mirinê de ne ku ji 1’ê Gulanê ve dayîn destpêkirin di roja 15’an de ye. Dayik û xizmên girtiyan ên li pêşiya Kargeha Ar a Gurbuz a berê ya li pêşberî Parka Koşûyolû ya navçeya Rezahê hatin ba hev çalakiya rûniştinê pêk anîn.

Parlementerên Partiya Demokratîk a Gelan (HDP) Salîha Aydenîz, Remziye Tosûn, Mûsa Farîsogûllarî û Semra Guzel jî destek dan dayikan.

Di çalakiyê de dayikan dirûşmên ‘Bijî Berxwedana zindanan’, ‘Bi berxwedanê em ê bi ser bikevin’, ‘Leyla Guven rûmeta me ye’, ‘Hezar silav ji hevrêyên li zindanan li ber xwe didin re’ û ‘Heq, Hiqûq û Edale wê ji bo zindaniyan pêk were’ qîr kirin.

Meşa dayikan a ber bi Parka Koşûyolû ya ji aliiyê polîsan ve hatin dorpêçkirin hate astengkirin. Li ser derxistina endamên çapmeniyê Parlementera HDP’ê Salîha Aydenîz kamereya endameke yê çapemeniyê jê girt û di nava dorpêçê de dîmen kişand.

Piştre dayik û wekîlan ber bi aliyê rojnamevan lê ji derveyî dorpêçê semola serketinê bilind kirin.

Dayikên ku li vir nêzî saetekê çalakiya rûniştinê pêk anîn, piştre xwestin ber bi TÛAY-DER’ê ve biçin. Polîsên ku rê nedan dayikan, ji bo dayikan ji herêmê dûr bixin otobuseke anîn cihê bûyerê. Xizmên girtî û dayik ên nerazîbûn nîşanî ajokar dan, anîn ziman ku li otobusê siwar nabin.

Dayik û xizmên girtiyan ên çalakiya xwe domandin, piştî çalakiya rûniştinê ya 5 saetan û şûnde bi dirûşim û tilîliyan benda polîsan şikandin û ber bi Şaxa TÛAY-DER a Amedê ve ketin meşê.

Dayikan piştî meşê çalakiya xwe bi dawî kirin.