Nobeda Berxwedanê, ku bi konê li ber Asayîşa Êzidxanê hatiye vedan, pêk tê, di roja 21'ê de ye.

Nobedarên îro şêniyên komelgehên Borik û Duhlayê ne.

Îro her wiha Malbata Mam Beşîr (Hesen Dûtar) û Berdevkê Koordînasyona Civaka Êzidî ya li Ewropayê Cercûr Cemîl serdana berxwedêran kirin.

Cercûr Cemîl ji çalakgeran re axivî û diyar kir ku ev çalakiya li navenda Êzidxanê li Şengalê pêk tê, çalakiyeke rûmetê ye û divê rêz jê re bê nîşandan.

Cercûr Cemîl destnîşan kir ku bêyî têkoşînê tiştek nayê bidestxistin û got, "Ji bo careke din Êzidî neyên qirkirin ev berxwedan gelekî giranbuha ye. We pêşî li fermaneke nû girtin."