Li Wanê tîmên taybet ên Tirk şevê dî bi derengî li navçeya Ipekyolu, li taxa Walî Mîthat Bey bi ser malên Kurdan de girtin. Tîmên taybet bi êşkenceyê rêveberê Bajêr ê DBP’ê yê Wanê Hakan Demir, Kenan Demir û kesekî dî yê ku navê wî nayê zanîn binçav kirin.

Bav Yakûp Demîr got nêzî 100 tîmên taybet bi çekan bi ser mala wan de girtine û her wiha di dema serdegirtinê sirûda faşîst a Tirk jî lêxistine. Demîr got nêzî 3 saetan li malê geriyane, tiştek bi dest ve neanîne û got dibe ku li emniyetê jî êşkenceyê dikin û ew ji  ewlehiya jiyana wan bi fikar in.

Qedexeya hevdîtinê ya 24 saetan li ser Hakan û Kenan Demîr danîn, ku Hakan û Kenan Demîr li Midûrîyeta Emniyetê ya Wanê têne girtin.