Rê nehate dayîn çalakiya bi pêşengtiya Komeleya Çand, Yekitî, Piştevaniya Malbatên li Dergûşa Şaristaniyan Xizmên xwe Winda Kirine (MEBYA-DER), Federasyona Komeleyên Hiqûqî û Piştevaniya Malbatên Girtî û Hikumxwaran (MED TUHAD-FED) a di çarçoveya ‘Dem dema azadiyê ye’ de ye ku dihate xwestin li Qada Newrozê ya Taxa Bariş a Sêrtê bê lidarxistin. Li ser vê girse li pêşiya avahiya HDP’ê ya Sêrtê kom bûn.

Dı meşê de dowîzên bi nivîsên ‘Tecrîd nayê qebûlkirin’ û ‘Tecrîd sûcê mirovahiyê ye’ hatin hildan.

Di meşê de Hevserokê Kongreya Civaka Demokratîk (KCD) Berdan Ozturk, Parlementerên HDP’ê Feleknas Ûca, Habîb Eksîk, Huseyîn Kaçmaz û Siddik Taş Hevşaredara Êlihê ku li şûna wê qeyûm hate dayîn Songul Kokmaz, endamên Meclîsa Dayikên Aştiyê, endamên rêxistina HDP’ê ya Êlih û endamê TJA’ê û gelek kes cihê xwe girtin. Li dijî polîsên ku rê nedan ku daxuyanî bê dayîn girseyê dirûşmên ‘Bijî Serok Apo’, ‘Jin, Jiyan, Azadî’, Bi berxwedanê Em ê Biserbikevin’ û ‘Bijî Berxwedana Zindanan’ qîr kirin.

Girseya ku astengiyên polîsan protesto kirin, li ser Rêya Aydinlaran dest bi meşê kirin. Di meşê de bê navber dirûşmên ‘Bijî Serok Apo’ û ‘Bijî Berxwedana Zindanan’ qîrkirin.

Esnaf, welatiyên derdor jî bi çepik, tilîlî û nîşaneya serketinê destek dan meşvanan.