Gerîlayên HPG'ê, şeva 22'ê Tebaxê kemîn danîn pêşiya leşkerên artêşa Tirk ên ji Geverê diçûn Colemêrgê. Çavkaniyên herêmî gotin, di çalakiyê de 20 leşker hatine kuştin, gelek leşker jî birîndar bûne.
Li gorî agahiyên ji çavkaniyên herêmî hatin bidestxistin, gerîlayên HPG'ê şeva 22'ê Tebaxê saet di 00:00 de li bejahiya gundê Şemaşê kemîn danîn pêşiya konvoya leşkerî ya ji Geverê diçû Colemêrgê. Gerîlayên HPG'ê ji cihekî nêz derb li konvoyê xistin.
Di vê çalakiyê de 2 wesayitên zirxî hatin rûxandin û li gorî agahiyên ji çavkaniyên herêmî hatin wergirtin, herî kêm 20 leşker hatin kuştin, gelek leşker jî birîndar bûn.
Artêşa Tirk, piştî vê çalakiya gerîla rêya navbera Gever û Colemêrgê roja 23'ê Tebaxê li trafîkê girt û gule û bombe li derdorê reşand.
Artêşa Tirk, nîvê şevê bi 3 helîkopterên Skorsky û 7 ambûlansan mirî û birîndarên xwe ji herêmê rakir.
Wekî din, balafirên şer ên Tirk duh êvarê saet di 19:30 de bombe li herêma Xakurkê ya ser bi Herêmên Parastinê yên Medyayê barandin. Liv û tevgera balafirên şer li herêmê dewam dike.
