Rêxistina HDP’ê ya Qersê li pêşiya avahiyê desteserkirinên şaredariyan protesto kirin. Hevserokê HDP’ê yê Bajêr Cengîz Anli  diyar kir ku xizmetkarên gel îro di girtîgehan de ne û tu bingeha hiqûqî ya desteserkirinan tune.

AGIRÎ

Rêxistina HDP’ê ya Agiriyê jî li avahiya partiyê daxuyanî da. Rêveberê bajêr ê HDP’ê Hakan Maglay diyar kir ku tê xwestin îradeya gelan were şikandin û bal kişand ser vî tiştî ku gelê Kurd li hemberî cûntaya 12’ê Îlonê stûyê xwe xwar nekiriye û ew ê vê desthilatdariya tekparêz jî têk bibe.

Li Patnosa Agiriyê jî bi tevlêbûna hevşaredarên Patnosê Emrah Kiliç û Muşerref Geçer jî li avahiya navçeyê ya HDP'ê daxuyanî hate dayin. Rêveberê HDP’ê yê navçeyê Eşref Pehlîvan diyar kir ku rejîma qeyyûm xwe li ser rant, dizî, bêhiqûqî û zilmê ava kiriye.