Li Qeladizê 4 şehîdên ji Rojhilatê Kurdistanê hatin bîranîn
Li Mala Çandî û Rewşenbîrî ya bajarokê Qeladizê yê ser bi herêma Raperînê 4 şehîdên ji Rojhilatê Kurdistanê hatin bibîranin.
Li Mala Çandî û Rewşenbîrî ya bajarokê Qeladizê yê ser bi herêma Raperînê 4 şehîdên ji Rojhilatê Kurdistanê hatin bibîranin.
Li bajarokê Qeladizê yê ser bi îdareya Raperînê Şehîd Sîpan, Şehîd Çekdar û Şehîd Evîndar ku her sê birayê hevin û şehîdekî din bi merasîmekê hatin bibîranîn.
Merasîmê bi deqeyek rêzgirtina ji bo şehîdên Tevgera Azadiya Kurdistanê destpê kir. Endamê Komîteya Şehîdên Rojhilatê Kurdistanê Azîta Egîd axivî û diyar kir ku di kesayeta her 4 şehîdan de hemû şehîdên riya azadiya Kurdistanê bi bîr tînin.
Azîta Egîd bal kişand li ser êrişên dewleta Tirk a dagirker û got: “Dewleta Tirk bi hemû awayî û dûrî nirxên mirovahiyê bi hevkariya PDK’ê êrişên parçeyên Kurdistanê dike. Daxwazê ji xelkê her çar parçeyên Kurdistanê û bi taybet yê Rojhilatê Kurdistanê dikin ku li hemberî êriş û zilm û zordariya dagirkeriya Tirk û Îranê bibin xwedî helwest.”
Şehîd Sîpan û Şehîd Çekdar di 17’ê Tebaxa 2013’yan de li Rojhilatê Kurdistanê di yek demê de şehîd bûn û heta niha cezayên wan radestî malbata nehatiye kirin.