Çalakiyên ji bo şermezarkirina desteserkirina şaredariyên HDP'î yên Gimgim, Kop û bajarokê Lîzê yên Mûşê ji aliyê polîsan ve hatin astengkirin. Parlamenterê HDP'ê Mensûr Işik got, "Ew gel nas nakin em jî wan nas nakin."
Li Mûşê polisan, destûr neda gel ji bo şermezarkirina tayînkirina qeyûman a ser şaredariyên Kop, Gumgum û Lîs'ê bên gel hev û çalakî li dar bixin. Polisan avahiya Şaredariya Kopê dorpêç kir û destûr nedan Parlamenterê HDP'ê Mensûr Işık, Hevseroka HDP'ê ya Bajar Aynûr Sarica û hevserokên HDP'ê yên navçeyan jî di nav de gelek HDP'iyên ku hatin gelhev û xwestin daxuyanî bidin. Polisan weke hincet jî "qedexeya walîtiyê" nîşan da.
Li ser vê yekê HDP'î derbasî avahiya HDP'ê ya navçeyê bûn û Parlamenter Mensûr Işik li vir daxuyaniyek da. Işik, diyar kir ku tayînkrina qeyûman nenaskirin vîna gelê kurd e û wiha got: "Em jî vê bêhiqûqiyê nas nakin."
