Li Hewlêrê bi çekê êrîşî endamê polîtburo ya YNK'ê kirin
Li Hewlêrê, êrîşeke çekdarî li ser mala endamê polîtburo ya YNK'ê Hacî Mesîf hate kirin. Di êrîşê de parêzvanekî Mesîf birîndar bû.
Sekreterê Hacî Mesîf Kerîm Sermamî ji Rojnewsê re axivî û got, "Doh bi şev saet di 02:10'an kes an jî kesên nenas gule li mala endamê Polîtburo ya YNK'ê Hacî Mesîf reşandin."
Sermamî got, "Ji ber êrîşê parêzvanek birîndar bû û ew rakirin nexweşxaneyê."
Sermamî anî ziman ku pirsgirêka Hacî Mesîf bi kesî re nîne û ew ji kesî gumanan nakin.
Heta niha kesî berpirsyariya êrîşê li xwe negirtiye. Kes an jî kesên êrîş kirin jî reviyan.
