Şewata li bejahiya navenda Dersimê ku bi mudaheleya dildaran hatibû kontrolkirin, vê sibehê, bi bombekirinên artêşa Tirk dîsa gur bû. Li gorî agahiyên ku jêderên xwecih agahî dane Ajansa Mezopotamyayê (MA) vê sibehê derdora saet 07.00’an, 2 helîkoptêran herêma Çemê Balî û Muşkirekê bombe kirin û şewat derket.

Tê gotin şewat ketiye çiyayê Sincikê, bejahiya Rengulê û her wiha şewata li Balî û Muşkirekê jî zêde bûye.

Her wiha hate gotin li herêma ku şewat lê heye operasyona hewayî jî didome. Dîsa li navenda Dersimê gelek helîkopter radibin û dadikevin.