Li Cizîra Şirnexê di 22’ê Tebaxa 2019’an de bi hinceta ku li dijî desteserkirina şaredariyên HDP’ê çalakiya dengderxistinê li dar xistine, li 11 kesan doz hatibû vekirin.

Hevşaredarê Cizîrê Mehmet Zirig ê ku peywira wî hatibû desteserkirin, Hevseroka HDP’ê ya Navçeyê Gule Tûnç, endamên Meclîsa Partiyê Zelal Yerlîkaya û Nûrettîn Tûrgût jî di nav de rûniştina dozê hate kirin. Di dozê de 11 kes tên darizandin.

Piştî parastinan ji bo bicihanîna kêmasiyan û Ramazan Dalmiş ê ku nehatibû rûniştinê bi darê zorê were anîn, dadgehê rûniştin taloqî 9’ê Nîsanê kir.