Di navbera şervanên Odeya Çalakiyê ya Xezeba Firatê û çeteyên DAIŞ'ê de ji duh danê sibehê û vir ve li pêşiya bajarokê Mehmûdlî û derdora wê şerekî dijwar diqewime.

Di vî şerê de bi dehan çete ji aliyê şervanên Odeya Çalakiyê ve hatin kuştin. Şervanan wesayîteke bombebarkirî, wesayîteke doçka li ser û panzerek rûxandin.

Çeteyên DAŞ'ê duh êrîşî gundên Caber a Rojhilat û Caber a Rojava kiribin û ji ber vê êrîşê şer qewimî.

Li gundê Caber a Rojhilat, di şer de zêdeyî 20 çete hatin kuştin.

Li gorî agahiyên gihîştin ber dest, şerê li herêmê dewam dike.