Hevseroka KCD'ê û Parlamentera HDP'ê ya Colemêrgê Leyla Guven, ji bo bidawîbûna tecrîdkirina Rêberê Gelê Kurd Abdullah Ocalan 79 roj in di greva birçîbûnê ya bêdawî û bêdorveger de ye.

Rûniştina 5'an a doza ku bi îdîaya "Avakirin û birêvebirina rêxistina çekdar", "Propaganda rêxistinê" û "Rabûna li ber qanûna bi hejmara 2911'an" lê hate vekirin, li 9. Dadgeha Cezayê Giran a Amedê pêk hat.

Tevî Leyla Guven a li Girtîgeha Tîpa E ya Amedê girtî ye, parêzer û temaşevan jî tevlî rûniştinê nebûn.

Dozgerê Tirk, rewşa heyî ya delîlan kir hincet û xwest, Guven girtî bimîne.

Heyeta dadgehê jî ragihand ku delîlên di dosyayê de hatine komkirin û bi biryara 'qedexeya derketina derveyî welat' biryara berdana Guven da.