KCR'ê ji bo tevlîbûna li pêngavê bang li ciwanên Rojhilat û Îranê kir
Koordînasyona Komelgeya Ciwanên Rojhilat (KCR) bi daxuyaniyekê ragihand ku wê bi hemû hêza xwe tevlî pêngava "Belê ji Demokrasiyê re, na ji darvekirinê re" bibin.
Koordînasyona Komelgeya Ciwanên Rojhilat (KCR) bi daxuyaniyekê ragihand ku wê bi hemû hêza xwe tevlî pêngava "Belê ji Demokrasiyê re, na ji darvekirinê re" bibin.
KODAR û PJAK’ê di çarçoveya pêngava Konseya Rêveber a KCK’ê ya ji 12’yê Îlonê ve bi dirûşma ‘Bes e ji tecrîd, faşîzm û dagirkeriyê re; dem dema azadiyê ye’ li her çar parçeyên Kurdistanê dayî destpê kirin de, bi dirûşmeya,‘Belê ji demokrasiyê re, na ji darvekirinan re’ li Rojhilatê Kurdistanê û Îranê pêngavek ragihandinîbû. Kordînasyona Komelgeya Ciwanên Rojhilat (KCR) bi daxuyaniyekê piştgirî da vê pêngava KODAR û PJAK’ê.
Daxuyaniya KCR’ê wiha ye; "Bi navê Komelgeya Ciwanên Rojhilatê daxwazê ji hemû ciwanên Rojhilatê Kurdistanê û Îranê dikin ku tevlî pêngava ‘Belê ji demokrasiyê re, na ji darvekirinê re’ bibin. Dagirker û desthilatdaran di dîrokê de timî hewl dane ku bi kuştin, tirsandin û qirkirina gelan desthiladariya xwe li ser gelan bidin berdewam kirin. Dagirkeriyek ku mirovatî, azadî û îradeya gelan binpê bike, îro li dijî têkoşîna azadîxwaz a gelê Kurd hevpeyman bûn. Ji bo ku di demek herî kin de bi awayek herî hov sûcên xwe yên li dijî gelê Kurd bigihîn armancê.
Rejîma dagirker a Îranê bi salane bi darvekirina mirovan temenê desthilata xwe dirêj dike. Bi darvekirinê, berbaranê, kuştina kolberan û tevkujiyê bersiva daxwazên gelan dide. Van kiryarên xwe yên qirêj jî bi navê yasa û ol dike. Yasaya ku tenê xizmeta desthilatdarên Îranê dike û bi dayîna cezayê darvekirinê tirs û qetilkirinê li ser gelan de disepîne.
Tişta li ber çave, pêkhateya ku zêdetir dibe armanca siyaseta darvekirinê ciwan û jinin. Ev jî nîşaneya vê rastiyê ye ku dagirker ji hêza jin û ciwanan ditirs in ku xwe ji têkoşîna azadiyê de dibînin. Lewma xurtkirina têkoşînê li dijî dagirkeriyê û dîktatoriyê ya herî bi bandore. Yekane rêya ku bikarin civakê û gelan rizgar bike, hêza têkoşîna vê civakê ye. Têkoşîna ji bo bi destxistina azadî û demokrasiyê ye. Demokrasiya bê têkoşîn bê wateye. Têkoşîna ji bo gihîştina azadî û avakirina civakek demokratîk yekane rêya j bo dawîanîna siyaseta darvekirinê ye.
Bi pêşengtiya ciwanan û jinan têkoşîna li hemberî darvekirinê wê bibe havênê demokrasiyê û avakirina civakek azad û demokratîk. Di bingeh de demokrasî bê têkoşîn pêk nayê. Bi gurkirina têkoşînê dikarin dawî li siyaseta darvekirinê bînin.
Weke KCR’ê em ê bi hemû hêza tevlî pêngava ‘Belê ji demorkasiyê re, na ji darvekirinê re’ bibin. Weke hêzek pêşeng a ciwanan daxwazê ji gelê azadîxwaz, welatparêz û tevahiya endam û welatparêzan dikin ku bi reng û dengê xwe erka pêşengiyê bigirin û çalak tevlî pêngava ‘Belê ji demokrasiyê re, na ji darvekirinê re’ bibin."