Hevserokatiya Konseya Rêveber a KCK’ê ya têkildarî şehîdbûna Endamê KN ya PKK’ê Kasim Engîn daxuyaniyek da got: “Ji bo wî hebûna Kurdan a li rojavayê Firatê û azadiya Kurdistanê erkekî pîroz bû.
Hevserokatiya Konseya Rêveber a KCK’ê ya daxuyaniyek nivîskî da destnîşan kir ku Kasim Engîn (Îsmaîl Nazlikûl) tevahî jiyana xwe ya 35 salan da têkoşîna azadiya gelê Kurd.
Daxuyaniya KCK’ê wiha ye: "Hevrê Kasim Engîn (Îsmaîl Nazlikûl) ê tevahî jiyana xwe ya 35 salan ji bo têkoşîna azadiya gelê Kurd da, di encama êrîşeke esmanî ya dewleta Tirk a dagirker de şehîd bûye. Hevrê Kasim Engîn ê ji erka endamtiya Komîteya Navendî ya PKK’ê bigire heta endamtiya Konseya Rêveber a KCK’ê, di serî de li Eyaleta Tolhildan û Botanê li gelek qadan fermandariya gerîla kiriye, em ê Kurdistan Azad û Rojhilata Navîn a Demokratîk ku di oxira wê de têkoşîn kir bi teqez bînin cih.
HER DEMÊ MILÎTANEKÎ FEDAYÎ YÊ APOYÎ BÛ
Hevrê Kasim ê mîna milîtanekî fedayî yê Apoyî her erka digirt bi biryardarî, zanistî, coşekî mezin, kelecan û tempoyeke xurt bi cih danî, wê her demê têkoşîna wî ya azadî bê jiyîn.
HESTÊ AZADIYÊ YÊ JI MÛSTEFA YONDEM, BESÊ MÛŞ Û ENGÎN SÎNCANAN GIRT DI ASTA HERÎ JOR DE GIRT
Hevrê Kasim ji aliyê dewletekî mêtinger û qirker ve bi asîmlasyonekî dijwar re derbas bûbû û weke ewladekî Kurd ku ji warê xwe koç kirî û li rojavayê Firatê bicih bûyî, li dijî mêtingeriyê têkoşîna xwe bi hêrsekî mezin kir. Asîmlasyona li rojavayê Firatê, qirkirina li ser hatin kirin, koçkirina gel a ji warên xwe ber bi metrepolên Tirkiyeyê ve û dîsa di serî de koçkirina ji bo Ewropa û her deverên cîhanê her demê di dilê wî de weke êşekê hîs kiriye. Ji bo wî hebûna Kurdan a li rojavayê Firatê û azadiya Kurdistanê erkekî pîroz bû. Mîna hemû erk pîroz bûn, bi erk û berpirsyariyek mezin dianî cih. Bi vî aliyê xwe hestê azad û warê azad ê ji Mûstefa Yonderman, Betal Evsanan, Hasan Varûllanan, Şixo Dirikan, Engîn Sîncanan, Şiyar Amanosan, Atakan Mahîran, Besê Anûşan, Nûrcanan, Nûmanan girtibû di asta herî bilinde girt.
Bi hêrsa asîmlekirina kalik, zarokên dayikan û dîsa neviyên ku Tirkî nedizanîn û dûrkirina ji zimanê dayikê bi hêrsekî mezin a ji vê girtî, li hemû qada jiyanê bi Kurdî daxivî, li her cihê lê teşwîqkirina Kurdî axaftinê esas girtiye, bi vê yekê bûye hevrêyeke mînak û wê tim di nava têkoşînê de jî bê bibîranîn.
LI DIJÎ ASÎMLASYONÊ XEBATÊN DÎROKA KURDÎ KIR
Bi înada asîmlekirina Kurdî ya li rojavayê Firatê û tinekirina Kurdan xebata xwe ya dîroka Kurdan kiriye bingehê taybetmendiyê entelektuelê. Hewldana serwerbûna li ser dîroka Kurdan, dîsa di warê pêşxistina zanîna dîroka Kurdan, rola ketiye ser milan bi cih aniye. Her wiha aliyê heskirina gelê Kurd, ciwan û jinan a dîrokê jî wê qet neyê jibîrkirin.
Li dijî polîtîkayên qirkirinê ya dewleta Tirk a li ser Kurdan, lîstikên li Kurdistan û parçekirina Kurdan her demê di warê avakirina ruhê hevpar ê li çar parçeyên Kurdistanê, dîsa di warê pêşxistina zanîna netewî, civakî û dîorkî de bûye xwedî hewldan. Li Kurdistanê bingehê dîrokî yê hevkar û xiyanetkaran derxistiye holê û rakirina bingehê hevkar û xiyanetê ya li Kurdistanê ji bo têkoşîna azadî û demokrasiyê cihekî girîng girtiye. Li ser vî bingehî ji bo pêşxistina ruhê yekîtiya netewî fikiriye, nivîsiye û bûye xwedî helwest.
JI BO GERÎLA HEM WEKE ŞERVAN Û HEM JÎ WEKE FERMANDAREK CIH GIRT
Ji bo pêşxistina têkoşîna azadiya gelê Kurd ji ber girîngiya gerîla dizanî, di nava gerîla de hem weke şervan û hem jî weke fermandar cih girt, di warê pêşxistina têkoşîna gerîla de rol lîst. Her çendî di salên dawî de di nava xebatên îdeolojî û rêxistinî de cihê xwe girtibe jî, ji bo her qada ku pêwîstî pê hebe fermandarî ji yekîneyê re kiriye û bûye fermandar.
Hevrê Kasim çawa ku di nava Tevgera Azadiyê de bi awayekî aktîv di xebatên perwerdehiyê de cih girtibe jî, hem di çapemeniya HPG’ê, hem jî di warê berpirsyariyên xwe yên çapemeniya giştî de jî di warê zanakirina jin, ciwan û gelê ya ya Rêbertiyê û dîsa rast naskirina têkoşîna azadiyê û dana naskirinê de xwedî kedekî mezin e.
BI BERPIRSYARIYEKÎ MEZIN NÊZÎ HEMÛ ERKAN BÛYE
Dema ku erka Konseya Rêveberiyê pêk dihanî, her demê bi berpirsyarî nêzîk bûye, her erka ji bo wî hatiye dayîn di asta herî baş de, bi kelecan, coş û bi tempoyekî zêde bicih aniye.
Şehîdbûna Hevrê Kasim wê biryardariya têkoşîna azadiyê wê vîna serxistinê bi teqez hê xurtir bike. Hevrê Kasim ê tevlî artêş Şehîdan a bûyî, kir ku têkoşîna azadî û demokrasiyê ya gelê me ewqasî bi kok û bihêz kir ku; di serî de kir ku ciwan, jin û hemû gelê me bi biryardarî û israr têkoşînê bidomîne, wê Kurdistanê bike warê azadî û demokrasî lê serwer bibe û bike Warê Rojê ku mirovahî berê xwe bideyê.”
