Mamostaya zimanê Kurdî Sewsen Muhamed Hasan 15’ê Gulanê ji aliyê hêzên Îranê ve di encama serdegirtina malê ya li bajarê Bokan a Rojhilatê Kurdistanê de, hat binçavkirin. Heta niha jî malbat û parêzeran nekarîne hevdîtinê ligel Sewsen Muhamed de bikin û hat gotin ku Sewsen li girtîgehek ya Îtalaetê ya li Urmiyeyê ye.

Tora Mafê Mirov a Kurdistanê, ragihand ku ji dema Sewsen Muhamed hatî binçavkirin ve tenê carek peywendiyek kurt a telefonê ligel malbata xwe pêk aniye û ji malbatê re gotiye ku ew li navendeke Urmiyê di hucreya yekkesî de tê ragirtin.

Li gorî agahiyên Tora Mafê Mirov a Kurdistanê ragihandiye, çend caran malbatê ji bo zanîna çarenûsa keça xwe serdana dadgeh û navendên ewlehiyê yên Bokanê kirine, lê ti bersivek zelal nedane malbatê.