Bi germbûna hewayê re cotkarên ku zevî datanîn, îsal ji ber ku fiyetê tov gelekî zêde ye, zevî danenîn.

Cotkarên li Wanê îsal zevî danenîn. Li Wanê ya ku her cure mêwe û fêkî lê tê çandin, îsal cotkaran tiştek danenîn. Fêkî û mêweyên ku li Wanê dihatin danîn pêdiviya Wanê bi cih dianî û difirotin bajar û navçeyên nêzî Wanê jî.

2 LÎRA BÛ NIHA BÛYE 40 LÎRA

Ji ber bihabûnê gelek kes ji vê sektorê direvin. Krîza aboriyê ya mezin bandoreke neyînî li ser çandiniyê kir. Sala borî tovê pîvazan 2 lîra bû lê îsal bûye 40 lîra. Ji ber ku li Wanê ev tov gelekî biha ye, tu kesî îsal pîvaz danenî.

Cotkarê bi navê Hakan Aydin ê ku li Wanê cotkariyê dike got ku “Nabe ku mirov ji vî fiyetî tov bistîne. Ji ber van fiyetên zêde, ez ê îsal pîvazan daneynim.”