HPG’ê ragihand ku di çarçoveya Pêngava Serkeftina Şoreşgerî de ya li Eyaleta Serhedê hêzên wan li yekîneyeke artêşa Tirk a dagirker a veşartî ya li derdora qereqoka Korxan a Îdîrê xistine. Di vê çalakiyê de herî kêm leşkerek hatiye kuştin.
Navenda ragihandian û çapemeniyê ya HPG’ê li ser çalakiyên gerîla û bomberdimanên balafirên şer ên artêşa Tirk, agahî par ve kirin.
HPG’ê di daxuyaniya xwe de ev agahî par ve kirin:
“Hêzên me di çarçoveya Pêngava Serketinê ya Şoreşgerî de ya li Eyaleta Serhedê, 24’ê Çile saet derdora 12:00’an li dijî yekîneyeke veşartî ya li derdorî Qereqola Korxan a Îdirê çalakiyek hate kirin. Di vê çalakiya karîger de li dijî yekîneyên dijmin, bi kêmamî leşkerek hatiye kuştin. Piştî çalakiyê hêzên dijmin cihê çalakiyê bi ketûber dane ber guleyan.
Balafirên şer ên artêşa Tirk a dagirker 24’ê Çileyê li dijî deverên Herêmên Parastinê yên Medyayê êrîş pêk anîne.
Balafirên şer ên Tirk saet derdorî 10:00-10:30’î li derdorî Gundê Yekmalê yê girêdayî Garê ligel devera Kûnîşka û Çemço ya girêdayî Zapê bombe kiriye.
Saet navbera 16:00-16:30’î jî balafirên şer devera Xinêre bombe kiriye.
Di van bomberdûmanên pêk hatine de ti windahiyên gerîla nebûne.”
