Navenda Ragihandin û Çapemeniyê ya HPG'ê bi daxuyaniyeke nivîskî nasnameya gerîlayê ku li Şirnexê şehîd bûbû, eşkere kir.

LI QILEBANA ŞIRNEXÊ ÇALAKÎ

HPG'ê di daxuyaniyê de ev agahî par ve kir; 

"Roja 11’ê Îlonê seat 10:30’an hêzên me li dijî artêşa TC’ê ya dagirker ku li girê Vacîp û Serbend yê navçeya Qileban a Şirnexê bicih bûbûn çalakiyên hemwext pêk anîn. Bi giranî li herdu girên dijmin hate xistin û hejmara kuştî û birîndarên dijmin nehate testpîtkirin. Piştî çalakiyê artêşa TC’ê bi topên obus û hawanan herêma Geliyê Pisaxa, Xantûr û Partîzan bi rêk û pêk topbaran kir. Di encama topbranê de şewat derket û şewata li heremê hê jî didome.

LI ÎDIRÊ 6 LEŞKER HATIN KUŞTIN

Me ragihandibû ku di çarçoveya Pêngava Serfiraziya Şoreşger a ku li Eyaleta Serhedê hatiye destpêkirin, hêzên me di 11’ê Îlonê de saet di 07.40’an de li dijî wesayîteke zirxî ya Kobra ya li Qada Dîlûcû çalakiyek li dar xist û wesayîta zirxî hatibû îmhakirin. Li gorî agahiyên hatine bidestxistin 6 leşkerên di wesayîtê de hatine kuştin.

AGAHIYÊN NASNAMEYA GERÎLAYÊ LI ŞIRNEXÊ ŞEHÎD BÛBÛ

Di daxuyaniya 3’ê Îlona 2018’an de me ragihandibû ku artêşa TC a dagirker roja 11'ê Tebaxa 2018'an li herêma Pîran a navçeya Qileban a Şirnexê bi desteka hewayî dest bi operasyoneke berfireh kir. Bi piştgiriya balafirên keşfê yên bê mirov, balafirên şer û helîkopterên bi tîpa Kobra bomberdûmaneke giran li herêmê kirin. Ji ber vê bomberdûmanê 3 gerîlayên me yên leheng şehîd bûn. Di heman buyerê de rêhevalê me Şoreş ku têkilya wî bi mere qut bûbû şehîd bû.

Nasnameya rêhevalê me yê şehîd wiha ye;

Şoreş – Kemal Cengîz"