HPG’ê şehîdên Kato Jîrka bibîr anî

ANF
BEHDÎNAN
şemî, 27 adarê 2021, 10:44

Navenda Ragihandin û Çepemeniyê ya HPG’ê têkildarî gerîlayên li Kato Jîrka şehîd bûbûn, daxuyaniyek da.

HPG’ê li ser mijarê ev agahî parve kir:

“4’ê Cotmeha 2016’an li herêma Kato Jîrka ya Botanê di encama bomberdûmana de komeke hevrêyên me şehîd bûne. Ji ber mercên şer me nû karî nasnameyên hevrêyên xwe zelal bikin. Hevrê Bahoz, Berfîn, Jiyan, Rêber û Viyan 4’ê Cotmeha 2016’an şehîd bûne.

Dewleta Tirk a dagirker, qirker û mêtinger ji bo tesfiyekirina Tevgera Azadiya Kurdistanê sala 2016’an dest bi pêvajoye êrîşên dijwar kirin. Di çarçoveya ‘Pilana Çokdanînê’ ya demek dirêj bû plan dikir, xwestin ewilê derberyê li geîla yên ewladê leheng ên gelê me, piştre jî xwestin gelê me yê bê parastin di qirkirinê re derbas bike. Bi vî rengî wê ev hişmendiya faşîst xeyalê xwe yê 100 salî bi cih bianîba. Lê PKK û şervanên wê yên azadiyê ku mîna kelha dawî ya berxwedanê ya li ser navê gel maye, mîna her demê, dîsa rola xwe ya dîrokî rabû, ev êrîşên faşîst vala derxistin, derbên mezin li mêtingeriyê dane. Faşîstên har ên bi gotina ku wê sala 2017’ê ‘kes navê PKK’ê jî naîne ser ziman’ li pêşberî berxwedana Gerîlayên Azadiya Kurdistanê û mezinbûna tevgera PKK’ê ya gav bi gav ber bi serketinê ve meşîn, ew aciz kiriye, tevî hemû derewên şerên derûnî jî li pêşberî heqîqeta têkoşîna Apogeriyê ti hikûmekî xwe nemaye, ji derveyî gotinên vala û pûç nebûye tiştekî din. Berxwedana bi biryar a gerîla, îro destana serfiraziyê ya Garê nivîsand, nîşa her kesê da bê ka vîna milîtanî ya Apogeriyê çiqas e. Ruhê Apogeriyê yên li her çar aliyên Kurdistanê bi rengê serhildan û berxwedanê diyar bû, di şesxê şehîdên Garê de bûye ruhê serketinê.

Di vê pêvajoya şer de li qada Botanê pêşengtî jî dîrokê re kiriye û rolê xwe bi layîqî lîstiye. Hevrêyên me yên li vê qadê, hem li bejahî hem jî li bajar, derbên xurt li dagirkeriyê daye, rê nedane polîtîkayên dagirkerî û qirkirinê, lehengî û berxwedaneke bê emsal nîşan daye.

BERXWEDANA KATO JÎRKA, KESAYETIYA MILÎTAN A APOYÎ, MÎNAKA WÊ YEKÊ YE TI CARÎ TÊK NAÇE YE

Berxwedana bi pêşengtiya fermandariya hevrêyên me Bahoz û Berfîn de li Kato Jîrka hate pêşxistin, bûye mînaka ku kesayetiya milîtan a Apoyî ti carê têk naçe ye. Di pêvajoya ku ev herêyên me tê re derbas dibûn de, hê zû bi pêvajoyê hesiyan û li gorî îdîa û biryardariya demê berê xwe dan qada Botanê ya mekanên gerîla yên pîroz. Hevrêyên me Bahoz û Berfîn ên ketin ferqa wê yekê ku serketinên ku li herêma Botanê li dijî dagirkeran bê bidestxistin wê encamên mezin bi xwe re bîne, bi hemû xwebûna xwe seknekî fedayî nîşan dan. Hevrêyên me yên bi sekin, kesayet û tevlîbûna xwe ya fedayî ya şoreşê ku yekane xeyala wan û armanca wan azadiya Rêber Apo û gelê xwe bûn, bû layîqî mîrasê Egîd, Nûda, Adil, Gelhat û Gulbiharan ên li Botanê bûne fermandarên efsanewî.

Hevrêyên me Jiyan, Rêber û Viyan jî weke ewladên leheng ên gelê me yê welatparêz ên Botanê, cihê xwe di nava têkoşîna azadiyê ya gelê xwe de girtine. Her sê hevrêyên me jî di dema Berxwedana Xwerêveberiyê de rastiya dijmin ji nêz ve ferq kirin, ji bo hesabên polîtîkayên qetlîamker bipirsin, tevlî nava refên gerîla bûne. Ev hevrêyên me yên di demeke kin de xwe di nava têkoşînê de pêşxistin, di şerê gerîla ya li Botanê hate pêşxistin de, rolên girîng girtine ser milê xwe. Heman demê ev hevrêyên me yên tevlî gelek çalakiyan jî bûne, gihane wê astê ku bibin sembolên hilbijartî yên têk neçin a Gerîlayên Azadiya Kurdistanê.

Di serî de ji malbatên hevrêyên xwe yên şehîd ku bi lehengî û berxwedana nîşan dayî roja me ronî dike, bûne hinceta serketinên ku hatin bidestxistin û bên bidestxistin, û hemû gelê welatparêz yê Botan û gelê Kurdistanê re dixwazin. Soz didin ku em ê xeyalên hevrêyên xwe bi teqez bi cih bînin.”

Nasnameya gerîlayên şehîd bûne wiha ne:

Nasnav: Bahoz Gever

Nav û Paşnav: Fatih Çelîk

Cihê Jidayikbûnê: Colemêrg

Navê Dayikê-Bav: Nazîme – Mehmet