HPG’ê got: “Artêşa Tirk a dagirker ji gerîla derbeya giran xwar û hewl dide têkçûna xwe ya li hemberî gerîla û bi dehan windahiyên xwe veşêre. Artêşa dagirker îdîa dike ku bi bombebaranên ku hem ji bejahî û hem jî hewayî pêk anîne, zirar daye gerîla. Artêşa dagirker a ku li hemberî îradeya xurt a Apoyî, performans û zekaya taktîkî ya gerîla xitimiye, bê navber Herêmên Parastinê yên Medyayê ji bejahî û hewayî bombebaran dike. Ev yek nîşan dide ku çiqas bêçare maye. Divê gelê me yê welatparêz û raya giştî bizane ku di bombebaranên bejahî û hewayî de ti windahiyên me çênebûne. Gerîlayên Azadiya Kurdistanê hemû teknîka şer a di destê artêşa dagirker de derbas dike û timî rêya lêxistinê peyda dike. Her wiha êrîşên dijmin pûç dike û tedbîrên xweparastinê li dijî her cure êrîşê pêş xistiye. Lewma divê ti kes bawerî bi derewên medyaya şerê taybet a artêşa dagirker neyîne.”

Navenda Ragihandin û Çapemeniyê ya HPG’ê di daxuyaniya xwe de ev agahî jî dan:

“Herêma Rojavayê Zapê ya Şehîd Delîl;

18’ê Mijdarê di saet 09.00, 10.20 û 15.30’an de bi çekên giran li dagirkerên li Qada Berxwedanê ya Girê Cûdî hate xistin. Derb li çeperekî hate xistin û tevgera dagirkeran hate rawestandin. Ev çalakî ji aliyên hêzên me yên YJA Starê ve hatin lidarxistin.

18’ê Mijdarê di saet 14.30, 15.00, 16.00, 18.00 û 19.00’an de bi çekên giran li dagirkerên li Qada Berxwedanê ya Girê Cûdî hate xistin, derb li 2 çeperan hate xistin û tevgera dagirkeran hate rawestandin.

22’ê Mijdarê di saet 07.00’an de bi çekên giran li dagirkerên li Qada Berxwedanê ya Girê Cûdî hate xistin û derb li 2 çeperan hate xistin.

23’ê Mijdarê di saet 12.15’an de bi taktîka sekvaniyê li dagirkerên li Qada Berxwedanê ya Girê Cûdî hate xistin û dagirkerek hate cezakirin.

18’ê Mijdarê di saet 10.00’an de bi taktîka sekvaniyê li kamereyeke mobesseyê ya li Qada Berxwedanê ya Girê Amediyê hate xistin û hate îmhakirin.

23’ê Mijdarê di saet 15.00’an de bi çekên giran li dagirkerên li Qada Berxwedanê ya Girê Amediyê hate xistin û derb li çeperekî hate xistin.

Herêma Metînayê;

24’ê Mijdarê di saet 11.00’an de bi bombeyên dest û çekên ferdî mudaxeleyî dagirkerên ku dixwestin bi çekên kîmyewî çeperên şer ên li Qada Berxwedanê ya Girê Ortê bombebaran bikin, hate kirin.

Êrîşên ku artêşa Tirk a dagirker bi teqemeniyên qedexekirî, gazên kîmyewî û dronên bombebarkirî pêk anîn;

23’ê Mijdarê çeperên şer ên li Qada Berxwedanê ya Girê Çarçel a herêma Metînayê1 car bi dronên bombebarkirî hatin bombekirin.

23’ê Mijdarê çeperên şer ên li Qada Berxwedanê ya Girê Ortê ya herêma Metînayê 6 caran bi gazên kîmyewî û teqemeniyên qedexekirî hatin bombekirin.

18’ê Mijdarê çeperên şer ên li Qada Berxwedanê ya Girê Cûdî ya Herêma Rojavayê Zapê ya Şehîd Delîl 4 caran bi teqemeniyên qedexekirî hatin bombekirin.

22’ê Mijdarê çeperên şer ên li Qada Berxwedanê ya Girê Cûdî ya Herêma Rojavayê Zapê ya Şehîd Delîl 8 caran bi dronên bombebarkirî hatin bombekirin.

23’ê Mijdarê çeperên şer ên li Qada Berxwedanê ya Girê Amediyê ya herêma Rojavayê Zapê ya Şehîd Delîl 2 caran bi teqemeniyên qedexekirî hatin bombekirin.

24’ê Mijdarê çeperên şer ên li Qada Berxwedanê ya Sîdayê 1 car bi teqemeniyên qedexekirî hatin bombekirin.

Êrîşên ku artêşa Tirk a dagirker pêk anîn;

21, 22, 23 û 24’ê Mijdarê Qada Berxwedanê ya Girê Bahar û Girê Amediyê ya herêma Rojavayê Zapê ya Şehîd Delîl 4 caran, qada Sinînê ya herêma Xakurkê, Ava Lolanê û qada Şehîd Şerîf 5 caran, Siyanê ya herêma Garê, Girê Zengil û Deşta Kafya 3 caran, qadên Girê Şehîd Rustem û Şehîd Harun a herêma Qendîlê 4 caran; bi giştî 16 caran bi balafirên şer hatin bombekirin.

Herêmên Zap, Rojavayê Zapê ya Şehîd Delîl, Metîna û Xakurkê bi topan hatin bombekirin.”