Hevseroka Giştî ya HDP’ê Pervîn Bûldan, parlementerên HDP’ê Feleknas Ûca, Osman Baydemîr, Dîlek Ocalan, Îmam Taşçier û Berdan Ozturk jî nav de heyeta HDP’ê piştî hevdîtina bi Serokê Giştî yê PDK’ê Mesûd Barzanî, KNK û Serokê Dîwana Serokatiya Herêma Kurdistanê Fûad Hisên, çû serdana Serokwezîrê Herêma Kurdistanê Nêçîrvan Barzanî.

Têkildarî hevdîtinê parlementerê HDP’ê yê Rihayê Osman Baydemîr diyar kir ku pêdiviya Kurdan bi yekîtiyê heye û got, “Ji bo ku gelê Kurd karibe yekîtiya xwe pêk bîne, em ê li Başûrê Kurdistanê hin hevdîtinan pêk bînin.”

Baydemîr axaftina xwe wisa domand: “Mijara sereke ya hevdîtinên me Efrîn û Kerkûk bû. Îroj herî zêde Kurd pêdiviya wan bi yekîtiya neteweyî heye. Ji bo pêkanîna yekîtiya neteweyî em ê li Başûrê Kurdistanê gelek hevdîtinan pêk bînin.”