Li çiyayên azad ên Kurdistanê em bi gerîla û wêjevan Medya Doz re li ser PKK'ê axivîn.

Doza sala 40. a PKK'ê li tevahiya mirovahiyê pîroz kir û destnîşan kir ku PKK ne tenê ji bo Kurdistanê ye, ew tevgereke ji bo tevahiya mirovahiyê ye.

Doz diyar kir ku PKK'ê çeperên nû li nirxên mirovahiyê zêde kiriye û li ser vê bingehê veguheriye wijdanê mirovahiyê.

Medya Doz da zanîn ku her rojeke PKK'ê mîna şoreşekê ye û  got, "Di her rojê de destanek afirand. Me di nava 40 salî de dît ku  Vê şoreşê her roj xwe nû kir, her roj ozan, helbestvan û lehengên nû afirand. Her yek bû lehengek, ev lehengî jî ne tenê ji bo gelê Kurd kirin. Ji bo tevahiya mirovahiyê jiyan û jiyana xwe ji dest dan. Taybetmendiyeke vê tevgerê heye, ku dibêje; ya herî bedew bila ne ji min re be, bila ji mirovahiyê re be. Felsefeya bingehîn a PKK'ê ev e."

Medya Doz bi bîr xist ku desthilatdariya AKP'ê heta bihara sala 2017'an emr danî ber PKK'ê û got, bi berxwedana gerîla pêşî li êrîşên tinekirinê yên dewleta Tirk hate girtin. Doz destnîşan kir ku PKK tevgereke mirovahiyê ye, lewma têk naçe.

Doz ragihand ku PKK'yîbûn cihê rûmetê ye û da xuyakirin ku di encama têkoşîna PKK'ê de jin li cewhera xwe vegeriyan û ev yek xwe dispêre îdeolojiya rizgariya jinê û felsefeya jiyana azad a Rêberê Gelê Kurd Abdullah Ocalan.

Doz got, "Eger rastiya PKK'ê nebûya, qîrîna jina wê di nava xwe de bifetisiyan" û destnîşan kir ku bi hebûna PKK'ê re jin bûn xwedî wate. Doz got, "Ji PKK'yîbûnê wêdetir, wezîfe û berpiryariya wan e ku bi rûmeta bûyîna jina PKK'yî bijîn û rastiya destanî ya PKK'ê û kesatiya xwe bigihînin hev.

Bi wê hestê dijîm ku her jineke bi nasnameya PKK'ê re bûye yek dîrokeke zindî ye, her jineke ku bi PKK'ê re têdikoşe destenake zindî ye."