Gerîla li Heftanînê ji hewayê ve li dagirkeran xist
Navenda Ragihandin û Çapemeniyê ya HPG'ê ragihand ku wan ji hewayê li hêzên dagirker ên Tirk ê li herêma Heftanînê xistine û destnîşan kir ku ev çalakî bi rengekî serketî pêk hatiye.
Navenda Ragihandin û Çapemeniyê ya HPG'ê li ser mijarê ev daxuyanî da:
"Hêzên me yên parastina hewayî yên şehîd Delal sibeha 24'ê Adarê saet di 04:10'an li herêma Heftanînê bi balafiran bombardûman li ser dagirkerên li Girê Şehîd Sîpan kirin. Çalakî bi rengekî serketî pêk hat. Ev çalakî ji bo hilanîna tola fermandarê me yê fedaiyan ê nemir Savaş Maraş û hevalên pê re şehîd bûn hate lidarxistin.
Dewleta Tirk a dagirker êrişên hewayî anî ser Herêmên Parastinê yên Medyayê.
Agahiyên berfireh ên li ser van êrişên hewayî wiha ne:
19'ê Adarê saet di 12:00 de qada Kolitê ya herêma Xakurkê bi balafirên şer hate bombekirin.
20'ê Adarê saet di 11:00 de qada Goşînê ya herêma Xakurkê, mintiqeya Girê Rosê bi balafirên şer hate bombekirin.
20'ê Adarê saet di 11:00 de qada Saca ya herêma Zapê bi balafirên şer hate bombekirin.
Di van êrişên hewayî de tiştek bi hêzên me nehatiye."
