Ji 45 kesên di 27'ê Mijdarê de li Mêrdînê di serdegirtina gelek navnîşanan de hatibûn destgîrkirin 30 kes di 28'ê Mijdarê de hatin berdan. 
 
Li Midûriyeta Polîsan a Mêrdînê lêpirsîna li ser 15 kesan dewam dike. Hat xwestin ku dema destgîrkirina 9 kesan bi îfadeyên "şahidên veşartî" bê dirêjkirin. Dema destgîrkirinê ya Dayika Aştiyê Hevlet Oncu, Abdullatîf Zengîn, Adîle Zengîn, Burhan Abîç, Çetîn Elîk, Hamît Gungor, Fahrî Dogan, Mehmet Fatîh Ozturk û Hasîp Ozdemîr ên ku sewqî Edliyeya Mêrdînê hatin kirin, 4 rojên din hat dirêjkirin. 6 kesên ku dosyeyên wan ji hev cuda bûn û îfadeyên wan ên polîsan bi hincetên cuda hatin girtin sewqî dozgeriyê hatin kirin. Piştî îfadeyên wan 6 kes bi daxwaza şertê kontrola edlî sewqî Dadgeha Cezaya Sulhê hatin kirin. Dadger 6 kesên ku sewqî dadgehê hatibûn kirin bi şertê kontrola edlî serbest berdan.