STENBOL

Dayikên ku li ber Girtîgeha Girtî ya Jinan a Gebzeyê bi rojan li dijî tecrîdê û zarokên xwe li ber xwe didan, ji ber cejna remezanê serdana zarokên xwe kirin. Dayik berê sibehê hatin girtîgehê û zarokên xwe dîtin. Malbat piştî serdanê çûne avahiya naçeyê ya Gebze ya HDP'ê. Li gel dayikan Parlamenterên HDP'ê Zuleyha Gulum û Hevserokê Bajêr ê Stenbolê yê HDP'ê Cengîz Çîçek jî hebûn, li avahiya navçeyê cejna gel hate pîrozkirin.

EDENE
Rêxistina Bajêr a Edene ya HDP'ê û parlamentera HDP'ê Tulay Hatîmogullari ji bo Cejna Remezanê serdana malbatên girtiyên greva birçîbûnê û rojiya mirinê kirin. di serdanê de TUAYDER, HDK, DBP û MKM'yî jî hebûn, yek bi yek serdana malan kirin û cejna malbatan pîroz kirin. Hatîmogullari diyar kir bi berxwedana birûmeta a girtiyan tecrîda li Imraliyê hatiye şikadnin û ew li berxwedana birûmeta girtiyan û li têkoşîna wan xwedî dertên û têdikoşin.

HDP'yiyan û Hatîmogullari her wiha serdana wan malbatan kirin ku zarokên wan di têkoşîna azadiyê de şehîd bûne.