28 ciwanên ku di 17’ê Gulana 1994’an de di encama bombardûmana hewayî ya artêşa Tirk de li çiyayê Bêzar a navçeya Çêlikan a Semsûrê hatin qetilkirin, li ser gora xwe hatin bîranîn.

Merasîma bîranîna ciwanan li goristana Kayapinar a Semsûrê li ser gora temsîlî ku navê 28 şehîdan û gotina “Em jiyanê bi qasî ku di oxira wê de bimrin, hez dikin”  hatî nivîsandin pêk hat.

Malbatên 28 ciwanên şehîd, endamên Komeleya Çandê û Yekitiyê ya bi Piştevanî û Alîkariya bi Malbatên Kesên Xizmên xwe di Dergûşa Şaristaniyê de winda kirine (MEBYA-DER) û nûnerên Partiya Demokratîk a Gelan (HDP) Şemsûrê tevlî merasîma bîranîne bûn.

Kesên beşdarî bîranînê bûn diyar kirin ku ew ê cangoriyên xwe ji bîra nekin û ew ê girêdayî bîranînên wan bimînin. Bîranîn bi danîna qerenfîlên li ser goran bi dawî bû û ji bo cejnê serdana malbatên ciwanan kirin.

ÊŞKENCE LI CENAZEYÊN CIWANAN KIRIN

Leşkerên Tirk cenazeyên ciwanan ji çiyê lingên wan bi hestir û hespan ve girêdayî kaşkirin û li hewşa qereqolê hiştin. 11 cenaze ji aliyê malbatên wan ve hatin teşhîskirin û 17 cenazeyên din jî ji aliyê leşkeran ve li çala ku goristana Kayapinar a Semsûrê hatibûn kolandibûn hatin veşartin.