Bi sedan şêniyên bajarê Girê Spî cenazeyê têkoşer Hisên Cuma El-Îsa ji nexweşxaneya El-Wetenî ya bajêr wergirtin û ber bi goristana Şehîd Mehmûd Tuma bi rê ketin. Li goristanê merasîma oxirkirinê bi merasîmek leşkerî ji aliyê Hêzên Xweparastinê ve hat lidarxistin. 

Di merasîmê de, Endam û Rêveberên Saziyên Rêveberiya Xweser ên Kantona Cizîrê, Endamên TEV-DEM′ê, şervanên YPG/YPJ/QSD′ê û Hêzên Asayîşê amade bûn.

Di merasîmê de Endamê Saziya Malbatên Şehîdan a bajêr Wehîd El-Ebdullah axivî, sersaxî ji malbata têkoşer û hemû malbatên şehîdan re xwest û serkeftin ji şervanên YPG/YPJ/QSD′ê  re hêvî kir.

Her wiha Endamê Komîteya  ‫‬Têkîliyên Giştî ya TEV-DEM′ê Umer Elûş jî soz da ku ew ê şopdarên riya cangoriyên azadiyê bin û destkeftiyên şoreşê biparêzin.

Piştî axaftinan nasnameya têkoşer hat xwendin, radestî malbata wî hat kirin û cenazeyê têkoşer li goristanê hat oxirkirin.
destxweş