Cenazeyê endamê YPS’ê Yildiz piştî 6 salan radestî malbatê hate kirin
Cenazeyê endamê YPS’ê Mehmethan Yildiz ê 14‘ê Adara 2016‘an li Şirnexê di berxwedana xweseriyê de şehîd bû, piştî 6 salan radestê malbatê hat kirin.
Cenazeyê endamê Yekîneyên Parastina Sivîlan (YPS) Mehmethan Yildiz ê 14‘ê Adara 2016‘an li Şirnexê, di êrîşên dewleta Tirk ên li dijî ragihandina xweseriyê de şehîd bû 6 sal bi şûn de hat teşhîskirin.
Li ser serlêdana malbatê, di encama hatina li hev a DNA’yan cenazeyê Yildiz radestê malbata wî hat kirin.
Cenazeyê Yildiz ji bo definkirinê, birin navçeya Pasûrê ya Amedê.
